«Ծանր է սրտի վրա». Իսրայելի բնակիչները գնահատում են իրանական հրթիռի հարվածի վնասները
Իսրայելում շաբաթ առավոտյան վաղ ժամերին օդային տագնապի ազդանշաններ հնչեցին: Այդ պահին Իֆաթ Բենհայիմն ու իր ընտանիքը վազեցին իրենց տան նկուղ։
«Փակեցինք դուռը, ու հանկարծ շատ ուժեղ պայթյուն լսվեց», — ասում է նա։ «Ես կարծում էի՝ ամբողջ տունը փլվել է մեր վրա»։
Երբ մի քանի րոպե անց դուրս եկան, պարզվեց՝ պատուհանները ջարդվել են, իսկ առջևի սենյակը լիքն էր փոշով ու բեկորներով։
Թել Ավիվից հարավ՝ Ռիշոն Լեցիոն քաղաքի հանգիստ թաղամասում, մի քանի տան տանիքներ փլվել էին։ Ասֆալտին՝ ապակու բեկորներ։ Առնվազն 30 մեքենա լուրջ վնասվել էին՝ ջարդված ապակիներով և մեծ խորշություններով։
